Sexualidad

Sexualidad ta un charla cu ta wordo pidi hopi na Telefon pa Hubentud Aruba. Den colaboracion cu Child Helpline International nos ta traha hunto pa por atende cu e tema aki mas mihor posibel. Door di sa kico ta e tendencia bou di e hobenan mundialmente y den nos region, nos por traha den un mihor manera preventivo. Aki na Aruba, nos di Telefon pa Hubentud ta traha hopi bon conhuntamente cu Famia Planea y Wit Gele Kruis. Door di esaki nos tin e informacion di mas actualisa y nos ta duna e mesun informacion tocante sexualidad.

Sexualidad ta encera relacion,
Sexualidad ta encera norma y balor,
Sexualidad ta encera amor propio,
Sexualidad ta encera anticonceptivo,
Sexualidad ta encera sexting,
Sexualidad ta encera problema di mama hoben.

E topico di sexualidad ta uno hopi amplio. Aki na Aruba hopi biaha nos ta wak casonan di hoben cu ta sali na estado y tur e problemanan cu esaki ta trese cune. Sexting ta ora un email, whatsapp, mensahe priva via internet (social media) cu tin contenido sexual wordo manda. Mirando cu esaki ta formanan moderno di comunica, e ta trece varios preguntanan cune. Desafortunadamente nos ta mira cu frecuentemente preshon negativo di grupo ta hunga un rol den relacion of sexualidad. Nos Semper ta pone atencion ariba esaki tambe. Manera tur nos charlanan, nos ta adapta e informacion basa riba e edad di e grupo participando na e charla. Esaki ta principalmente importante mirando cu e tema di sexualidad ainda ta un topico tabu.

Kiko telefon pa hubentud Ta ofrece?