Celebro di adolescente

Bo yiunan constantemente ta perde tur cos, nan beis ta cambia constantemente, nan ta haci cos di mas straño, nan ta bay tras di nan amigonan, nan no tin ningun opinion, nan no sa kico nan kier etc. Como mayor bo ta puntra bo mes si bo a haci algo malo den nan criansa of si nan comportacion ta parti di ta hoben.

Tabatin e creencia cu un celebro di un hende ta completamente desaroya na e edad di diesdos/diestres aña. Sinembargo, awo a bin ilustra cu e celebro ta completamente desaroya na e edad di 24 aña. Ta den e parti dilanti (cortex prefrontal) ta unda e cambionan mas grandi ta tumando luga ainda. Den e cortex prefrontal, ta regula emocion, ta desaroya e habilidad di planea y e habilidad pa vigila consecuencia di accion.

E celebro tin diferente etapa di desaroyo social cu ta contribui na madurez.

1. Etapa impulsivo: Den e etapa aki, comportacion impulsivo ta bin dilanti y un mucha ta depende y ta sigui e adultonan (mayornan, voogd, docente etc.). Nan ta spera pa otronan cumpli cu nan deseonan y nan necesidadnan. Nan ta kere cu nan sa kico ta permisibel of no. Esaki kiermen cu comportacion impulsivo ta facil pa corigi. Aki ta unda mester pone limite.

2. Etapa di proteccion propio: Den e etapa aki nan ta bira independiente y nan relacionnan ta puro oportunista. E posicion di dependencia di e etapa prome ta cambia pa un posicion di proteccion propio. Nan ta purba keda den control di nan impulsonan y emocionnan y nan ta nenga tur emocion di dolor y ansha. Amistad ta basa riba probecho.

3. Etapa conformista: den e etapa aki adaptacion, igualdad y comportacion social ta importante. Aki, e interes di otro ta nan mesun interes tambe. Nan ta mustra un comportacion socialmente deseabel den grupo di amigo y tin miedo di critica y rechaso.

4. Etapa consciente di nan mes: den e etapa aki e enfasis ta riba individualismo, relacion personal y tolerancia. Den e etapa aki, nan tin mas bista riba nan mesun sentimentonan y deseonan, maske esakinan no ta di acuerdo cu loke e grupo ta considera socialmente deseabel. Individualismo y sinceridad aki ta importante y nan ta realisa cu esaki por causa rechaso di e otronan.

Hende ta diferencia di otro y p’esey ta dificil pa duna un limite di edad pa cada etapa. Sinembargo, por raporta cu usualmente e mucha entre 0 pa 9 aña ta den e etapa impulsivo. Entre 10 pa 13 aña, generalmente, nan ta den e etapa di proteccion propio. Entre 13 pa 17 aña nan ta bay di proteccion propio pa e etapa conformista. E grupo di 18 pa 24 aña, usualmente, ta den e etapa di ta consciente di nan mes.

Chat Anonimo

Bo privacidad y anonimidad ta sigura ora bo usa nos app

Den Un Click Bo Por Yama 131

Get in touch cu nos rapido
cu un solo click

Email Anonimo

Si e chat no ta disponibel, bo por manda nos un email anonimo

Personalisa Bo Avatar

Traha bo mesun Avatar pa match bo personalidad y estilo

Mustra Humor cu un Emoji

Demostra con bo ta sinti uzando un di e emojisnan disponibel

Disponibel Tur Dia 2pm - 6pm

E chat via nos app ta disponibel tur dia na e orario stipula ariba

Contacta Nos

Manda nos un mensahe

Pa mas informacion over di tajernan of informacion bo por jama Telefoon pa Hubentud durante orarionan di oficina

Oranjestad, Aruba

Our Partners