Codigo de conducta deportivo

Fundacion Telefon pa Hubentud Aruba, ta trahando desde cuminsamento (april 1999), pa e derecho di mucha y hoben na Aruba y ta funciona a base di e Convenio di Derecho di Mucha. Pa e motibo aki, Fundacion Telefon pa Hubentud Aruba, kier pa tur mucha y hoben na Aruba por practica deporte na un manera sigur. Pa por ataca un comportacion abnormal den of rond di e area unda ta practica deporte, Fundacion Telefon pa Hubentud Aruba, a hinca un Codigo di Conducta Deportivo den otro.

E obhetivo di e Codigo di Conducta Deportivo ta pa crea un clima di deporte sigur den y/of rond di e terenonan di deporte. Norma y balornan, pasa pret y respet, honestidad, compromiso y deportivismo, ta e principionan di e guia y ta e sosten pa e contenido di e Codigo di Conducta Deportivo.

Pa sigura cu den y/of rond di e terenonan di deporte ta y ta keda sigur y cu e muchanan y e hobennan por practica deporte sigur, p’asina nan desaroya nan talentonan, mester combati e uzo di un comportacion abnormal riba y/of rond di tereno di deporte. Pa medio di e Codigo di Conducta Deportivo, nos ta trata di combati aplicacion di un comportacion abnormal. Ta informa tur actor manera: miembro di directiva, trainer/coach, supervisor, atleta, boluntario, mayor/voogd, referee y mirones di nan derecho, deber y responsabilidad pa medio di e Codigo di Conducta Deportivo. Tur actor tin un responsabilidad importante y un rol ehemplar den e promocion y pa monitor e Codigo di Conducta deportivo.