Derecho di Mucha

Derecho di mucha ta un di e normanan di mas importante pa un fundacion manera Fundacion Telefon pa Hubentud Aruba. Nos ta kere cu tur mucha di Aruba mester sa kico ta nan derechonan y con pa nan pidi p’esaki, na un manera respetuoso. Ora abo, como mucha, sa kico bo derechonan ta, bo sa tambe cu otro hende tambe tin derecho. Bo sa con bon ta papia di bo derechonan y cu nan ta respeta bo derechonan. Unabes cu bo sa bo derechonan, bo ta funciona miho den sociedad y bo ta para, no solamente pa bo derechonan, pero tambe pa derecho di otro hende.

Mucha y hoben mester sa kico nan derechonan y debernan ta. Esaki ta haci nan mas flexibel.
Asina cu e mucha sa su derechonan y obligacionnan e ta desaroya miho.
Mucha cu sa su derechonan y obligacionnan, ta mas consciente di su derechonan y ta respeta esunnan di otro.

Den nos colaboracion cu UNICEF y ‘Child helpline International’ (Liña Internacional di ayudo pa Mucha), esaki semper tabata un di e topiconan di mas importante den e proyectonan y charlanan cu ta discuti riba nan. Aki na Aruba nos ta mira cu ta cumpli cu hopi di e derechonan aki. Durante e proyectonan ta haci e muchanan consciente di nan derechonan. Tambe ta haci e mayornan y otro adultonan consciente di esaki, asina cu cada mucha por tin un infancia sigur.
Ainda tin un caminda largo pa bay. Motibo pakico Fundacion Telefon pa Hubentud Aruba ta sigui bay scol cu proyecto y charla, pa haci tur mucha/hoben/adulto consciente di e derechonan aki.