Igualdad

Igualdad

Segun articulo 2 di e Tratado Internacional di Derecho di Mucha (No discrimina), e estadonan cu ta participa den e pacto ta respeta y garantisa e derechonan describi den e pacto pa tur mucha bao di nan huridiccion sin discriminacion di cualkier forma, independiente di su rasa, color, sexo, idioma, religion, color politico, origen, etnicidad, origen social, estado economico, desabilidadnan of cualkier otro circunstancia di e mucha of su mayornan of representante legal. Aruba tambe ta forma parti di e pacto aki, locual ta significa cu aki na Aruba esaki tambe lo mester wordo respeta y garantisa.

Banda di esaki, Aruba a compromete tambe di traha riba e SDG’s (Sustainable Development Goals). E SDG’s (Sustainable Development Goals) ta e diesshete obhetivonan pa haci e mundo un miho lugar pa 2030. E SDG’s a wordo acorda pa e paisnan cu ta miembro di e Nacionan Uni, incluyendo Aruba. E obhetivonan ta basa riba e aportacion global di organisacionan y individualmente.

Tras di e diesshete obhetivonan, tin 169 meta. Esaki ta haci nan mas concreto ainda. Un di e diesshete obhetivonan ta e number 10; Reduci e desigualdad den y entre paisnan. E obhetivo number 10 tin diferente metanan. Un di e metanan ta number 10.2. Segun meta 10.2, pa aña 2030, e paisnan mester empodera y promove inclusion social, economico y politico di cada residente, independiente di nan edad, sexo, desabilidad, rasa, etnicidad, origen, religion of estado economico of otro tipo. E gruponan mas vulnerabel ta principalmente e personanan di edad mayor, personanan con descapacidad, muchanan, hende muher, imigrantenan y refugiadonan.

E pasinan cu ta miembro y Aruba tambe, tawata ocupa trahando riba diferente obhetivo pa cu e meta aki. Na 2020 e Pandemia di COVID-19 a presenta na mundo henter. E pandemia di COVID-19 ta haciendo e situacion di desigualdad mas hopi, tambe na Aruba. E ta mishiendo cu un forsa esnan mas vulnerabel, cu ta e mesun grupo cu ta experienciando cu frecuencia discriminacion pisa.

Pa por concientisa e muchanan y hobenan di Aruba ariba tocante igualdad, Fundacion Telefon pa Hubentud Aruba a desaroya e workshop di igualdad. E workshop aki ta wordo duna na mucha y hoben cuminsando di scol basico klas 4 te cu scol avansa klas 4. Durante e workshop ta haci uso di pelicula y potret pa transmiti e informacion di igualdad na e muchanan/hobenan den un forma interactivo. E muchanan/hobenan ta wordo encurasha pa comparti nan ideanan y experencia tocante igualdad y discriminacion. Derechonan igual, SDG’s y derechonan di mucha ta topiconan cu ta bin dilanti den e workshop aki. Hunto cu e muchanan/hobenan nos ta discuti con esaki ta bin dilanti den realidad. Na final nos ta laganan comprende cu hunto nos ta e mundo. Cu awe bo por ta riba bo pais pero quizas den futuro bo lo por ta bibando den e pais di un otro, pa motibonan di estudio of di salud.

Meta/Obhetivo
E obhetivo di e workshop di igualdad ta stimula igualdad bou di mucha, hoben y e sociedad di Aruba pa medio di:

  • Stimulando e empatia entre nan,
  • Provee husticia entre mucha y hoben,
  • Reduci discriminacion,
  • Duna oportunidad na otro muchanan y hobenan,
  • Promove e conocemento di derecho di muchanan,
  • Promove e conocemento di e obhetivonan di e SDG’s,
  • Encurasha pa discuti den un forma respetuoso.

Grupo obhetivo
E workshop aki ta wordo duna na muchanan den scol basico klas 4 te cu scol avansa klas 4, bou peticion di e scol. (9 aña te cu 15 aña)

Kico Telefon pa Hubentud ta ofrece?
Workshop di igualdad na muchanan/hobenan di 9 aña te cu 15 aña.

Chat Anonimo

Bo privacidad y anonimidad ta sigura ora bo usa nos app

Den Un Click Bo Por Yama 131

Get in touch cu nos rapido cu un solo click

Email Anonimo

Si e chat no ta disponibel, bo por manda nos un email anonimo

Personalisa Bo Avatar

Traha bo mesun Avatar pa match bo personalidad y estilo

Mustra Humor cu un Emoji

Demostra con bo ta sinti uzando un di e emojisnan disponibel

Disponibel Tur Dia 2pm - 6pm

E chat via nos app ta disponibel tur dia na e orario stipula ariba

CONTACTA NOS

Manda nos un mensahe

Pa mas informacion over di tajernan of informacion bo por jama Telefoon pa Hubentud durante orarionan di oficina

Oranjestad, Aruba

Partner(s)