Met praten kom je verder

‘Met praten kom je verder’, ta un proyecto basa riba un entrenamento pa adulto tocante negociamento exitoso di e scol di Ley, ‘Harvard Law School’ y e programa di e negociado hoben, ‘The Young Negotiators’, cu pa basta aña, a duna na un gran cantidad di scol secundario na Merca. E material di instruccion mes ta enfoca riba e situacion na Aruba. A haci uzo di e resultadonan di e investigacion cientifico den comportacion antisocial y criminal, ‘ Youth Lifestyle Survey Aruba, 2007’, haci door di ‘The Society and Crime Foundation’.

E proyecto ta caracterisa su mes door di interaccion intensivo cu y entre studiantenan. Negociamento pa definicion, ta un habilidad cu bo ta siña y desaroya gradualmente. Ta introduci, siña y practica e tecnica cu ayudo di combersacion, wega di dramatisacion, wega, DVD y discusion. A pesar cu e principio y tecnica pa adulto y hoben ta mescos, e experencia di e hoben ta hunga un rol den e escogencia di ehempel di e weganan di dramatisacion. E ehempel ta inclui tarea di scol, anda cu maestro, relacion di famia, zakgeld, termento, trabou part-time, relacion, logro na scol etc. No ta solamente topico cu e hobennan di Aruba ta yama Fundacion Telefon pa Hubentud Aruba diariamente tocante dje, pero tambe cu e scolnan mes ta pidi.

E obhetivo ta simpel: e proyecto ta provee e hoben cu un bista y habilidad cu ta permitie yega su meta na un forma trankil y pa e ta capaz di resolve confrontacion na un manera positivo. Esakinan ta habilidad cu e por uza pa resto di su bida. Un di dos obhetivo ta pa mehora e clima na scol y den klas. Eventualmente, esaki lo contribui na un reduccion di violencia na scol y un mehoracion di e ambiente di siña y bida den klas. A keda demostra cu esaki ta reduci e comportacion antisocial y criminal bou di e hobennan.

Pa mas informacion over di tajernan of informacion bo por jama Telefoon pa Hubentud durante orarionan di oficina

Oranjestad, Aruba