Norma & Balor

E topico di norma y balor ta un topico masha popular. Norma y balor ta hopi importante den un cultura. Si un grupo di hende acepta esakinan y biba a base di nan, control no ta necesario mas. Hende ta consciente di nan rol den comunidad y ta desea pa e comunidad mehora. Norma y balor ta permiti un grupo di hende pa ta positivo cu otro y asina cada hende por biba bon. Frecuentemente ta pone e 2 palabranan aki hunto y asina ta bira dificil pa distingui nan for di otro. Sinembargo, e diferencia mester ta cla pa asina tur hende ta consciente di e castigonan cu por sigui si kibra e norma.

• Norma y balor ta e base di un comunidad cu ta funciona bon,
• Balor ta forma cada persona como hende, pa e por funciona socialmente mihor.

Si nos wak e normanan, esaki nan ta e reglanan skirbi y acorda pa sociedad. Tur hende mester tene nan mes na nan. Si esaki no pasa, tin diferente castigo cu por sigui. Si bo wak e balornan, esakinan ta e reglanan cu a discuti riba nan, pero cu no tin castigo oficial pa nan. Como hende bo ta atene bo mes na e reglanan aki. Bo ta haci esaki pasobra bo tin autoestima y ta respeta otro hende rond di bo. Si un grupo grandi di hende den sosiedad tin e mesun balornan, e por bira un norma.