Violencia no ta bon.

Violencia ta bin den diferente forma. Hunto cu ‘Child Helpline International’ (Liña Internacional di ayudo pa Mucha), Telefon pa Hubentud, ta traha pa siña mucha y hoben e consecuencianan y peliger di uzo di violencia. E varios forma di violencia ta treci claramente padilanti; fisico, verbal, emocional y sexual. Si bo bin den contacto cu violencia ora bo ta hoben, esaki por tin un impacto negativo riba bo, pa resto di bo bida. Esaki por hasta bay asina leu cu bo ta pas’e over pa bo yiunan of esunnan cu bo ta stima.

• Nos tur tin cu anda cu violencia. Con bo ta anda cu esaki como persona ta hopi importante,
• Ora bo tin informacion tocante violencia, bo por preveni esaki y/of proteha un otro hende,
• Ignorancia tocante violencia por bira bo bida boca abou pa semper.

Si nos para hunto contra violencia, nos por proteha tur hende contra dje. Door di sa kico ta violencia bo por cuida bo mes mas. Hende cu ta cay den violencia casi semper mester ayudo pa sali for di dje. Habri bo wowonan y cuida e hendenan den bo bida.