Amistad

Amigo(a) ta hopi importante den bo bida. Ora bo ta bay scol, nan ta e muchanan cu bo ta prefera pa hunga cu nan. Bo ta papia cu nan p’asina bo sa kico ta pasando den bo grupo di amigo(a). Pafo di scol bo por tin otro amistad. Por ta tin mucha den bo bario cu bo ta anda hopi cu nan of na un club di futbol y otro luga unda por tin mucha. Tin biaha ta dificil pa sa ken bo amigo(a) ta. Nan ta papia cu bo pasobra di berdad nan kier? Nan ta haci esaki pasobra bo tin e Playstation di ultimo modelo na cas? Ora bo no ta presente, nan ta papia bon di bo?

Un amigo(a) riba Facebook tambe ta un amigo(a) di berdad? Ora bo ta papia cu amigo(a) na otro parti di mundo via Whatsapp, esaki ta diferente cu e amigo(a)nan aki na Aruba? Amistad via Internet por ta hopi importante pa e hoben, pero tin un diferencia entre amistad di Internet y amistad den persona. Ta tremendo pa wak con largo ambos forma di amistad ta sigui

Ora nos papia di amistad, tin un otro topico cu hopi biaha ta bin den mente, namoramento. Un mucha muhe nobo den klas, un mucha homber den un klas mas halto na bo scol of te hasta un otro hungado di bo club di futbol. Kico mi ta bay bis’e? Con mi por sa si e tambe ta gusta mi? Mi a mir’e papia cu un otro persona ayera, e ta gusta mi ainda? Pa tur e preguntanan aki semper bo por yama Telefon pa Hubentud y haya mas informacion con pa anda cu e situacion aki.