Igualdad

Segun articulo 2 di e Tratado Internacional di Derecho di Mucha (No discrimina), e estadonan cu ta participa den e pacto ta respeta y garantisa e derechonan describi den e pacto pa tur mucha bao di nan huridiccion sin discriminacion di cualkier forma, independiente di su rasa, color, sexo, idioma, religion, color politico, origen, etnicidad, origen social, estado economico, desabilidadnan of cualkier otro circunstancia di e mucha of su mayornan of representante legal. Aruba tambe ta forma parti di e pacto aki, locual ta significa cu aki na Aruba esaki tambe lo mester wordo respeta y garantisa.

Banda di esaki, Aruba a compromete tambe di traha riba e SDG’s (Sustainable Development Goals). E SDG’s (Sustainable Development Goals) ta e diesshete obhetivonan pa haci e mundo un miho lugar pa 2030. E SDG’s a wordo acorda pa e paisnan cu ta miembro di e Nacionan Uni, incluyendo Aruba. E obhetivonan ta basa riba e aportacion global di organisacionan y individualmente.

Tras di e diesshete obhetivonan, tin 169 meta. Esaki ta haci nan mas concreto ainda. Un di e diesshete obhetivonan ta e number 10; Reduci e desigualdad den y entre paisnan. E obhetivo number 10 tin diferente metanan. Un di e metanan ta number 10.2. Segun meta 10.2, pa aña 2030, e paisnan mester empodera y promove inclusion social, economico y politico di cada residente, independiente di nan edad, sexo, desabilidad, rasa, etnicidad, origen, religion of estado economico of otro tipo. E gruponan mas vulnerabel ta principalmente e personanan di edad mayor, personanan con descapacidad, muchanan, hende muher, imigrantenan y refugiadonan.

E pasinan cu ta miembro y Aruba tambe, tawata ocupa trahando riba diferente obhetivo pa cu e meta aki. Djey na 2020 e Pandemia di COVID-19 a presenta na mundo henter. E pandemia di COVID-19 ta haciendo e situacion di desigualdad mas hopi, tambe na Aruba. E ta mishiendo cu un forsa esnan mas vulnerabel, cu ta e mesun grupo cu ta experienciando cu frecuencia discriminacion pisa.

Derechonan igual, SDG’s y derechonan di mucha ta instrumentonan pa stimula igualdad. Awe bo por ta riba bo pais pero quizas den futuro bo lo por ta bibando den e pais di un otro, pa motibonan di estudio of di salud. Con abo lo kier ser trata?

Igualdad ta reduci descriminacion, ta stimula empatia pa otro, ta zorg pa husticia, ta duna oportunidad y ta stimula discucion na un manera respetuoso.