Prevencion di termento na Scol

A desaroya e proyecto, ‘Prevencion di termento na Scol’, basa riba e estudionan empirico conduci pa Dan Olweus, Ph.D. Dan Olweus ta un profesor/investigado den psicologia di Noruega y ta mir’e como e pionero den investigacion di termento. Dan Olweus tabata investigando termento pa decadanan caba (el a cuminsa na 1970). Loke el a descubri tocante termento, ta e programanan mas adopta rond mundo.

E vision teoretico riba cual e proyecto ‘Prevencion di termento na Scol’ ta basa ta, cu termento ta pasa ora cu ta haci mal uzo di poder desigual entre e persona cu ta ter y e persona cu nan ta ter. Esaki ta e elemento mas importante cu ta distingui termento for di violencia sin sentido entre un grupo di mucha/hoben. Asina cu e perpetrado eherce su poder (fisico, emocional y/of social) incorectamente riba e victima, lo ter e te ora cu restaura e balansa di poder. Poder kiermen, poder fisico, poder emocional y/of poder social.

E proyecto tin un definicion pa termento. Termento ta ora un persona, sistematicamente, ta haci uzo incorecto di su poder personal (fisico, emocional, social) pa haci un otro dolor, intimida of spanta un otro hende, cu no por of tin dificultad pa rechasa e asunto aki, cu e intencion di haya beneficio personal.

E proposito di e proyecto ‘Prevencion di termento na Scol’, ta pa cambia e scol di un scol, na unda uzo incorecto di poder desigual entre alumno ta pasa, pa un scol na unda e alumnonan ta compromete nan mes pa stop e termento y unda e staf ta confronta e comportacion inaceptabel di e muchanan. Door di yega e meta aki, ta crea un infancia sin violencia na scol pa e alumnonan.

E proyecto ta logra su meta door di primeramente siña e alumno lo siguiente:

  • Bira consciente di e problema di termento y su consecuencianan,
  • Defini termento y reconoce un comportacion di termento,
  • Comprende e efecto di comportacion di termento 
  • Crea empatia pa e studiante cu nan ta ter,
  • Caracteristica di e mucha cu ta ter,
  • Caracteristica di e mucha cu nan ta ter,
  • Aplica herment pa proteccion contra termento,
  • Con y ki ora raporta termento,
  • E consecuencianan di comportacion di ter pa e scol,
  • E consecuencianan cu scol ta implica pa comportacion di termento.

Di dos, e proyecto aki ta logra su meta door di siña e staf di e scol:

  • Defini termento y reconoce comportacion di termento,
  • Comprende e efecto di comportacion di termento y crea empatia pa e studiante cu nan ta ter,
  • Herment di proteccion contra termento,
  • Caracteristica di e mucha cu ta ter,
  • Caracteristica di e mucha cu nan ta ter,
  • Crea un declaracion comprendibel di strategia,
  • Determina consecuencia pa comportacion di termento,
  • Desaroya un procedura pa raporta termento,
  • Desaroya un plan di evaluacion,
  • Con mester ehecuta e proyecto,
  • Con pa haya sosten di e mayornan pa e proyecto,
  • Con pa haya sosten di e alumnonan pa e proyecto,
  • Con pa haya sosten di comunidad (bario) pa e proyecto.

 

Finalmente, e proyecto ta logra su meta door di siña e mayornan:

  • Defini termento y reconoce comportacion di termento,
  • Caracteristica di e mucha cu ta ter,
  • Caracteristica di e mucha cu nan ta ter,
  • Con e mayor por sostene e proyecto.

 

E proyecto ta contene tur dos componente, preventivo y represivo. Door di e training cu e staf di scol ta sigui, e tayernan cu e alumnonan ta atende y e anochinan informativo cu e mayornan ta atende, ta pone tur hende na altura di e problema (preventivo). Esaki ta permiti mayor, studiante y docente pa reconoce termento miho y mas lihe y pa comprende e efectonan negativo mas miho.
Door di raporta e comportacion di termento (door di studiante) y door di e consecuencianan cu e staf di scol a acorda pa impone, ta pone limite (represivo). Door di bira consciente, ta preveni e comportacion di termento (preventivo) y door di tuma accion e comportacion di termento lo baha (represivo).

Fundacion Telefon pa Hubentud Aruba, a desaroya un proyecto ‘Train e trainer’ pa e proyecto ‘Prevencion di termento na Scol’. Cada scol di Aruba por haci un peticion pa esaki.

 

Kico Telefon pa Hubentud Aruba ta ofrece?

  • Train e trainer pa ‘Prevencion di termento na Scol’,
  • Dies ora,
  • Guia pa e facilitado,
  • Buki di tarea pa e studiantenan,
  • Pamfleta cu informacion pa e mayornan.

Chat Anonimo

Bo privacidad y anonimidad ta sigura ora bo usa nos app

Den Un Click Bo Por Yama 131

Get in touch cu nos rapido
cu un solo click

Email Anonimo

Si e chat no ta disponibel, bo por manda nos un email anonimo

Personalisa bo Avatar

Traha bo mesun Avatar pa match bo personalidad y estilo

Mustra Humor cu un Emoji

Demostra con bo ta sinti uzando un di e emojisnan disponibel

Disponibel Tur Dia 2pm - 6pm

E chat via nos app ta disponibel tur dia na e orario stipula ariba

Contacta Nos

Manda nos un mensahe

Pa mas informacion over di tajernan of informacion bo por jama Telefoon pa Hubentud durante orarionan di oficina

Oranjestad, Aruba

Our Partners